Irailaren hasieran bederatzi egunetan lau partida jokatu ostean eta selekzioek sortzen duten ligako lehen etenaldia igarota “beti zalantzak eragiten dituena”, komunikabideen aurrean Imanol Álvarez, super amara Bera Berako entrenatzaileak bere taldeari eskatu dio Mecalia Atlético Guardésen aurka “egun hauetan entrenatzen ari garen bezala lehiatu behar dugu” (ostirala, 20etan, TDP).
25-26 denboraldia abian, Bera Bera Eskubaloiko harrobiarentzat. Euskal Kopari ekingo dio Lacturale Bera Berak Kukullaga Etxebarri hartuz Bidebietan larunbatean 16,15etan, joaneko partidan.
Gipuzkoako txapelketak ere martxan jarriko dira asteburu honetan. Bidebietak beste bi partida hartuko ditu larunbatean. Bera Bera Donibane kadete mutilen taldeak Usurbil izango du aurrean, 18etan eta 19,45etan, kadete nesken txanda izango da, Egia hartuz.
Azkenik, Andoainen arituko da Bera Bera Urdina jubenil nesken taldea Leizarainekin, larunbatean 17etan.
Eta lagunartekoak izango dituzte senior neskak eta infantilak, Leitzan.
super amara Bera Berak salgai jarri ditu jada European Leagueko QR3ko joaneko partidarako sarrerak. Azaroaren 8an (larunbata, 18etan) Frantziako JDA Bourgogne Dijon hartuko baitu Gascan.
Selekzioek eragindako lehen etenaldira iritsi da Guerreras Iberdrola Liga, lehen hiru jardunaldietan bi taldek bakarrik irabazi dituzte sei puntuak: super amara Bera Bera eta Mecalia Atletico Guardes, atzo Grafomental La Rioja aise gainditu zuena (19-26).
Aise irabazi zituen Ermuko Errobatarrik Bera Berarekin Euskal Kopan larunbatean izan zituen hitzorduak. Ondorioz, senior mailan finalaurrekoa jokatuko du Zuazorekin.
Kadete nesken mailan aldiz, Apalategi Errotabarrik 52-30 irabazi zion Lacturale Bera Berari. Datorren larunbatean, Kukullaga izango dute aurkari ermuarrek eta, azken jardunaldian, irailaren 28-29an Bidebietan, donostiarrek Etxebarrikoak hartuko dituzte.
