Norvegiako Moldetik Sora Ishikawa internazional japoniarra iritsiko da super amara Bera Berara urtarrileko lehen egunetan. 2027ko maiatzera arte lotuta egon den jokalaria neguan ekartzeko aukera aprobetxatu du klubak.
super amara Bera Berak urtea eta Guerreras Iberdrola Ligako lehen itzulia itxi ditu, Huerta del Reyn Caja Rural Aula Valladolid aise gaindituz (19-28, 13-21, atsedenaldian), jokoaren alderdi guztietan, eta Gabonetako atsedenaldira lidergoan bakarrik iritsi da.
Euskal Ligari eutsi nahian, Lacturale Bera Berako kadete nahiz jubenilek garaipenak behar dituzte Orioko taldeen aurka Bidebietan. Jubenil taldeak 16,15etan jokatu du eta kadete taldeak, 18etan, alegia. Aurten hiru talde jaisten direnez, kluba bezala maila galdu dugu baina oraindik aukerak daude Euskal Ligan jarraitzeko promozioaren bidez.
super amara Bera Berak 2025eko urte historikoa eta, aldi berean, Guerreras Iberdrola Ligako lidergoan amaitu nahi du lehen itzulia, Huerta del Rey (larunbata, 19etan) Caja Rural Aula Valladoliden aurka, “jokoaren ikuspegitik ondo ez dagoena, baina pista horretan beti pizten eta lan handia eginaraziko diguna” aitortu duenez Imanol Alvarezek komunikabideen aurrean egindako agerraldian.
Guerreras Iberdrola Ligara itzultzea nolakoa izango zen zalantzak ziren, hilabeteko geldialdiaren ondoren eta super amara Bera Berari bereziki eragin dion Munduko Txapelketarekin, baina talde donostiarrak hasieratik amaierara menderatu du Costa del Sol Malaga, azken minutuetan bakarrik hurbildu dena markagailuan (31-28, 19-14 atsedenaldian). Horrela, gipuzkoarrek lidergoan jarraitzen dute eta zortzi puntuko aldea dute andaluziarrekin, nahiz eta Malagak partida bat berreskuratu behar duen.
