Partida hasiera kaskarra iraultzen jakin izan du gaur super amara Bera Berak Perez Cancan. Bigarren zati bikaina sinatuz, azken minutuetara sendo iritsi da, eta etxetik kanpo beti zaila den Costa del Sol Malaga gainditzea lortu du, defentsan egindako lan bikainari esker (17-22, 9-8 atsedenaldian).
Neurketak asteazkenean Gascan jokatutakoa gogoratu ekarri du. Alvarezen hasierako 0-1ekoaz aparte, super amara Bera Berari mugikortasuna falta izan zaio erasoan eta bere jaurtiketak Castellanosen edo zutoinean – Alvarezen hiru – bukatu dute. Ondorioz, Costa del Sol Malagak ederki aprobetxatu du Portillorekin hegaletik, Sanchak zazpi metroetan eta Espe Lopezen iskin eginez (7’: 4-1). Begiristainek Fresco defentsa erdian kokatu du Fonkengen ondoan, Etxeberria Sancha eta gero Clabelen erasoaldiei adi egoteko. Alvarez, kanpoaldeak eta beste aldean Louis eta Shunu. Eraso-defentsa aldaketarik gabe.
Romerok, kontraerasoan, 6-2ko kezkagarria jarri du, Begiristain partida gelditzera behartu duena. Eta funtzionatu du. Ishikawaren sarrerak beste martxa bat eman dio taldeari, Amoresek aldea murriztu ditu, Frescok bezala, -Alvarezekin batera- ia partida osoa jokatu duena, Kruijswijk –orkatilan minduta- berriro erreserbatuz. Erauskinek berdindu du lehia 22. minutuan (8-8). Hori guztia, defentsan egindako lan bikainari esker. Lan horrek Malagaren lehen lerroa estutu du, lehen zatian hamabi galera behartuz. Baina, hala ere, etxeko taldea aurretik iritsi da atsedenaldira, Brasilen kanpoko jaurtiketa batekin (9-8).
Bigarren zatian, bi galera inozoei esker, Portillok bi goleko aldea jarri du (31’: 10-8), eta orduan iritsi da donostiarren erreakzioa, 0-3ko partzialarekin, Ishikawak ondo asmatu duelako (5/3), defentsan egindako lapurretari eta Etxeberriaren kontrakoei esker (2/2) eta Alvarezen penalti bati esker (4/4). Gallardok partida gelditu du, baina ez joera. Pradesek, erabakigarria izan den bigarren zati honetan bost geldiketekin, Clabel urrundu du – Etxeberriak ondo defendatu duena- eta Alvarezek gola posizionalean aurkitu du (39 ": 11-13).
Eta beste partzial bat iritsi da (1-4), bigarren zatiaren erdian partida hautsi duena (46’: 12-17). Ishikawak urrutitik Castellanos gainditu du, Alvarezek penaltiz eta Amoresek kontraerasoan. super amararen defentsa nagusi zen eta Gallardok bere hirugarren hutsartea eskatu du, Brasil sartzeko. Shunuk arnasa eman dio Frescori, baina brasildarrak bi gol jarraian sartu ditu aldea murrizteko (51’: 15-18) ilusioa harmailetara eramateko, bisitarien hiru galerak aprobetxatuz bi minutu eskasetan. Baina donostiarrak esnatu dira. Shunu barrura sartu da, Amoresek kontraerasoan asmatu du eta Frescok hutsunea aurkitu du erdian (54’: 15-21) partida ixteko.
Merituko bi puntu, bajak eta erdilesionaturik dauden jokalariak kontuan hartuta. Baina egutegiak ez du atsedenik ematen. Hurrengo partida, laugarrena 12 egunetan, asteazkenean izango da, 20:30etan, Pozuelo de Calatravan. Mathilde Plottonen ekarpena espero da, jada Donostian da frantziarra.
Fitxa teknikoa: Costa del Sol Málaga 17, super amara Bera Bera 22,
Costa del Sol Málaga 17 (9+8): Castellanos, Portillo (2), Sancha (4, 3p), Zhukova (1), Romero (1), E. López (2) eta Barros (1) – hasierako zazpikoa- Campigli, Clabel (1), Brasil (3), Rodrigues (1), Piñeira (1), A. Jaime, S. Jaime, Marfil (o.a.)
super amara Bera Bera 22 (8+14): Prades, Louis, Shunu (2), Fonkeng, Álvarez (6, 4p), Fresco (2) eta Etxeberria (4) -hasierako zazpikoa- Gavilan, Amores (3), Ishikawa (4), Erauskin (1), Kruijswijk, Murgiondo eta Balzinc (o.a.)
Epaileak: Lorena García – Aragoi– eta Antonio Javier García – Andaluzia–
Kanporatuak: Clabel, Brasil eta Romero Costa del Sol Malagatik eta Shunu eta Gavilan super amara Bera Beratik
Partzialak: 2-1, 6-2, 6-3, 8-7, 8-8, 9-8 – atsedenaldia- 10-10, 11-13, 12-15, 13-18, 15-21 eta 17-22
