Iazko denboraldian ikusi genuen Bera Bera agertu da gaur Bidebietan eta ez dio arnasarik eman Zuazo Barakaldori. Aurreneko zatian, defentsa sutsua, Zoqbi atean eta kontraerasoak erabakiorrak izan dira.
Defentsari horri esker Libe Altunak, Matxalen Ziarsolok eta Doce Castrok korrika egiteko aukera izan dute. Nitsan Dunay fin ibili da erasoan, lau gol sartuta aurreneko zatian. Kokotsean zauria egin arren, bigarren zatian beste bi gol sartu ditu eskuin hegaletik.
Horrela, atsedenaldian erabakita zegoen partida (19-6). 25 minutuetan hiru gol baino ez dio Zuazori sartzen utzi Bera Berak.
Alba Menendez orkatilean mina zuen eta baja izan da. Hori dela eta Dunay bera eta Nagore Arizagak minutu dexente izan dituzte.
Bigarren zatian, aipagarriena Uxue Ezkurdiaren hiru golak eta Esther Arrojeriaren debuta.
Fitxa
Bera Bera 34, Zuazo Barakaldo 21
Bera Bera 34 (19+15): Zoqbi, Altuna (4), Rubio (1), Cuña (3, 1p), Dunay (6), Ederra (2) eta Ziarsolo (7, 3p) –titularra- Núñez (3), Castro (3), Arizaga (2), Ezkurdia (3), Yamiley (p.s.) eta Arrojeria.
Zuazo Barakaldo 21: (6+15): Calderón, Sagasti (1), Galarza (3), Gil (1), Hernández (6, 1p), Ahedo (6, 3p) eta Bonilla (3) –titularra- Aldekoa, Belloso (1), Zambrano (o.a.), Fernández (o.a.)
Epaileak: Txema Braz eta Haritz Vicioso (Euskaldunak)
Kanporatuak: Ziarsolo, Ederra (2) eta Castro Bera Beratik eta Hermández, Belloso eta Ahedo Zuazotik.
Partzialak: 3-3, 9-3, 10-3, 14-4, 18-6, 19-6 –atsedenaldia- 20-9, 22-11, 25-14, 28-16, 30-20 eta 34-21.
Bera Bera Eskubaloiak 2012-12 denboraldiari dagokion abonamenduak ez igotzea erabaki du. Irailaren 1ean irekiko da aurtengo jarduera Bera Bera eta Asfi Itxako taldeek jokatuko duten Superkoparekin, Bidebieta kiroldegian arratsaldeko 5,30etatik aurrera.
Horrela, ezarri den salneurria 65 eurokoa da helduentzako, jubilatuek eta gazteek (10-16 urte) 35 euro ordaindu beharko dute.
Horrez gain, peñako kideek 12 euro ordainduko dute eta Bera Bera Eskubaloiko jokalarien senideek erdi prezioan izango dute abonoa, hau da, helduek 32,50 eurotan eta gazteak nahiz jubilatuak, 17,50 euro.
Ohorezko mailako partidak eta Superkopa ikusteko aukera emango du abonoak. Zentzu honeta, Superkopako partidako konfirmazioa atzo heldu zenez, Bera Bera Eskubaloiak espero du bazkideek ulertzea ordainketa azken orduan eginez gero bankuko agiria erakustea Bidebietan, irailaren 1ean behar den sarrera ekiditzeko.
Europako partiden inguruan, Bera Bera Eskubaloiak Danimarkako kanporaketa gainditzea lortuko balu eta, ondorioz, Champions Leagueko multzoen fasera sailkatu eta lehiaketa honetan jarraitu, abonatu guztiek sarreren erdia ordaindu beharko dituzte. Aitzitik, Bera Berak Cup Winners’ Cup (Errekopa) lehiaketara pasatuz gero, abonamenduarekin ikusgai izango dira partida hauek.
Abonoa ateratzeko Bera Bera Eskubaloiko bulegoetatik pasatu behar da, Bidebieta kiroldegitik, alegia, goizeko 9etatik 1ak arte.
Eskubaloiaren zale amorratua da. Usurbilen jokatu zuen “hegalean, traba gutxi egiten nuen lekuan” 26 urte zituela utzi zuen arte eta gazteekin entrenatzen aritu ondoren, Bera Bera Eskubaloiko ohorezko mailako taldeko bigarren entrenatzaile izatea onartu du.
29 urteko usurbiltarra Martin Larrañaga da eta Reyes Carrere entrenatzailearekin lanean da abuztuaren 1etik. 2012-13 denboraldiko jokalariei ahalik eta etekin handiena ateratzen saiatuko dira Reyes eta Martin.
Delegatu lanak ere beteko ditu Martinek, “ez nekien partida baterako hainbeste gauza behar zirenik” hasperen egin du. Usurbiltarra, baina, ez da aurpegi berria Bera Beran. Izan ere, duela lau urte kadete mailako taldea zuzendu zuen, bertan Nora Azurmendi eta Olatz Ramon ezagutu zituen, gaur egun ohorezko mailako taldearekin aurredenboraldia betetzen ari diren jokalariak, Uxue Ezkurdia, Esther Arrojeria eta Lur Errekondorekin batera.
Martinek neskak eta mutilak entrenatu ditu eta aldeak egon badirela dio. “Bai, asko, mutilek jokaldia bukatzea nahi dute, zentzu horretan, individualista dira; neskak, aldiz, oso erregularrak dira”. Horrez gain, Gipuzkoako kadete mailako nesken hautatzailea da.
Reyes Carrerek proposamena egin zionean ez zuen asko pentsatu “baina bai zalantzak izan nituen ardura handia delakoan”. “Niretzako salto handia da, errespetua diot honi, eta bestetik, aukera ederra da, erronka bat eta gustoko lana”.
Darly Zoqbi eta Yamiley Rodríguez atezainekin lana ere egiten du Martinek. Horrez gain, bideoak editatzen ditu, estadistikak atera eta Reyes Carrererekin hainbat gai komentatu. “Oso gustora nago parte hartzeko bultzatzen didalako eta iritzia emateko” dio bigarren entrenatzaileak.
Lagunarteko hauetan proiektuaren partaide zuzena sentitu da. “Partida hauek ondo datorkigu erritmoa eta konfidantza hartzeko” onartu du.
Eta nahi batekin amaitu du. “Azkeneko urtetan zedozer irabazi dut egon naizen taldean. Ea bolada onarekin jarraintzen dudan! Eta guk ikus dezagun Martin!
Matxalen Zirsoloren saiakera zutoinera joan zen eta Eider Rubiorena langara bidali zuen partida berdintzeko balio zuen baloiak. Bidebietan jokatu duen aurreneko lagunartekoan Bera Berak gol batez galdu du Frantziako Beglais taldearen aurka.
Bera Berak bigarren partida jokatu du aurredenboraldi honetan. Lehenengo zatian erosoan makal ibili dira donostiarrak eta frantziarrek abantaila lortu dute Souad Titon lateralaren jaurtiketak eta Lachaud pibotearen golei esker. Horrela lau goleko aldea eraman dute atsedenaldian.
Bigarren zatian Bera Berak defentsa gogortu du eta erasoan baloia beste abiadura batean mugitu du. 50. minutuan partida berdindu du (22-22) baina ez du irabazten jakin.
Bera Berako zaletuek Nitsan Dunay, Doce Castro, María Núñez eta Silvia Ederra fitxaketa berriak ikusi ditu, azken hauek baikoitzak zati bat jokatu dutelarik. Bera Berak beste froga bat bete du gaur, saio interesgarria ikusteko lehiaketak zailtasunak jarriko dizkiola.
Larunbatean hurrengo partida, Zuazo Barakaldo hartuko baitu Bidebietan arratsaldeko 5,30etan.
Bera Bera: Zoqbi, Castro (1), Dunay (1p), Ederra (2), Menéndez (3), Cuña (5, 1 p) eta Ziarsolo (3, 2p) –titularra- Rubio (4, 2p), Arizaga, Ezkurdia, Altuna (2), Núñez (2) eta Yamiley (o.a.)
Epaileak: Harkait Mendizabal eta Txema Leal. Kanporatu dituzte Bera Beratik: Dunay (2), Cuña, Núñez, Ederrak txartel gorria ikusi du.
Partzialak: 2-2, 4-4, 7-7, 7-9, 9-10, 10 -14 –atsedenaldia- 13-15, 16-19, 18-20, 22-22, 23-23 eta 24-25
Bera Bera Eskubaloiak bihar osteguna, abuztuak 23, arratsaldeko 6etan bigarren lagunartekoa jokatuko du. Bera Bera berria ikusteko aukera izango Bidebietan eta Frantziako bigarren mailako Beglais Bourdeaux taldea izango da aurkaria.
Horrela, Bera Berako zaletu leialeenak fitxaketa berriak ikusiko ditu Bidebietan, hala nola, María Núñez, Doce Castro, Nitsan Dunay eta Silvia Ederra. Patricia Elorza, Eli Pinedo bezala, abuztuaren 27an hasiko da taldearekin entrenatzen.
Abuztuaren 1etik prestaketa ari da Bera Bera, Zumaian debuta egin zuen aurredenboraldian BM Castro Urdiales 30-19 gaindituz.
Bestetik, larunbatean arratsaldeko 5,30etatik aurrera, Bera Berak lagunarteko berri bat jokatuko du Bidebietan ohorezko mailara igo berri den Zuazo Barakaldoren aurka.
