Bera Berarentzako partida historiko baten bezperan gaude. Aurreneko aldiz Bidebietak (19etan) eskura du behar diren puntu lortzeko ohorezko mailako taldeak matematikoki larunbatean Liga txapelketa eskuratzeko (Alberto Ballano, Catalunya eta Juan Jesús Belloso, Nafarroa). Puntu bakar batekin nahiko litzateke.
Halere, urduritasuna agertu arren, taldea komentzituta eta mentalizaturik dago. Gaur arratsaldeko entrenaldiaren faltan, ziur aski, Imanol Álvarezek azkeneko deialdia errepikatuko du. Aurrean, Mar Alicante. Esteban Roigek zuzentzen duen taldeak lehengo larunbatean heldu zion mailari matematikoki Castelldefels gol batez gainditurik eta, Rocasarekin batera, Bera Berari irabazi dion bakarra da.
Donostiarren eta alancateko taldeen arteko lehiak berdintasuna izan dute hizpide, pistan nahiz sailkapenean. Mar Alicantek Bidebietan lortu duen azken garaipena 2010eko martxoan izan zen (29-35). Halere, Bera Berako entrenatzailearen aburuz “Alacanten erasoan oso gaizki ibili ginen, akatsak ikusi ditugu bideoan eta zuzentzea espero dut”. Horregatik, “erritmo handiko partida” nahi du Imanol Álvarezek.
Agintariak
Bidebietan jokatuko den partida zalegoen artean ilusioa piztu du eta instituzioen ordezkariak ere bertan izango dira. Horien artean, Donostiako alkate Juan Karlos Izagirre, Kiroletako zinegotzi Josu Ruiz, Gipuzkoako Batzar Nagusietako presidente Lohitzune Txarola; Kultura, Gazteria eta Kiroletako foru diputatu Ikerne Badiola; Eusko Jaurlaritzako Kiroletako Zuzendari Jon Redondo eta Foru Aldundiko kiroletako zuzendari Asier Sarriegi.
Eskubaloi federazio aldetik, bertan izango dira Espainiako Federazioko presidente Paco Blázquez, Euskadiko federazioko José Manuel Ruiz Cenzano eta Gipuzkoakoa, José Ángel García Vara. Kluban aldetik izango dira, Bera Bera RTko presidente Fernando Diez Mintegi eta eskubaloi arloko arduradun Tati Garmendia.
Bera Berak giroa berotu nahi du Bidebietan eta horretarako Txaranga Pasai bertan izango da, era berean, zalegoen partaidetza ere eskatuko da. Horrez gain, Urkabek eskainita txarkuteriko produktu ezberdinez osaturiko saski ederra zozketatuko da.
Oianumen afaria
Partida ostean, plantilla, entrenatzaileak eta zuzendaritza Urnietako Oianumen afalduko dute Erreka Laranja Peñarekin batera. Helburua betez gero ospakizuna aparta izango da. Erreka Laranjak plantillarekin urtero afari bat antolatzen du, etxean jokatzen den azken partida egunean. Topaketan, besteak beste, denboraldiko jokalaririk onena izendatzen du, zerrenda hortan dira Eider Rubio, Bea Fernández eta Darly Zoqbi. Aurten nor izango ote da?
Bera Bera Eskubaloiko entrenatzaileak komunikabeen esanetara izan da Bidebieta kiroldegian, non larunbat honetan Mar Alicante taldearen aurka berdinketa batekin Ligako txapelketa eskuratuko duen.
Imanol Álvarezek jakin badaki Bera Berak dena alde duela bigarren Liga bereganatzeko. “Azken hilabeteko helburua izan da Liga etxean bereganatzea eta hemen gaude” onartu du.
Taldearen egoreraz, Bera Berako entrenatzaileak ez du normalitaterik beste gauzik ikusten. “Ez daude urduri, baina inoiz ez dakizu zer den onena. Talde honek lortu duena da sinistea lehiatu behar denean, lehiatzen duela” azpimarratu du. Bere ustez, aste honetan “partida jokatzeko gogo bizia izatea”.
“Liga irabazteko egoera honetan zorioneko presioa, horregatik partidari erritmo handia jarri behar diogu, hori komeni zaigulako” dio Imanol Álvarezek.
Ohorezko mailako Bera Berak Mar Alicanteren aurka Liga irabazteko jokatu behar duen partida atarian, kadete mailako taldeak larunbatean Bidebieta kiroldegian Errenteriko Ereintza hartuko du 16etan Gipuzkoako koparen baitan.
Larunbatean bertan baina Usurbilen, jubenil mailako Bera Berak bertako taldea izango du zain 18etatik aurrera.
Eta senior taldea igandean 12etan Bidebietan arituko da Aloña Mendiren aurka.
Larunbateko partida ikusi ahal izateko dei ugari jaso ditugunez (Bidebietan, 19etan), klubak sarrera aldez aurretik hartzeko aukera eskainiko du. Bera Berak Mar Alicante hartuko du Ligako txapelketa eskuratzeko asmoz.
Horrela, gaurtik aurrera ostirala bitartean (14ak arte), Bera Bera Eskubaloiak hiru bide eskura jarri ditu sarrerak eskatzeko: Bidebieta kiroldegiko bulegoetara bertaratuz, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbide elektronikora datu ahalik eta zehatzeak adieraziz edo 943 458 166 telefonora deituz. Helduek 7 euro ordaindu beharko dute eta jubilatu nahiz gazteek, 3,5. Gazteen kasuan, 10 urte bete gabe direnak dohainik sartuko dira. Erreserba egin duten pertsonek sarrerak bulegoan bertan hartzeko aukera izango dituzte (9etatik 13ra) edo partida egunean, larunbatean 18etatik aurrera.
Bazkideek lau sarrera bost eurotan erosteko aukera izango ditu (2,5 jubilatu eta gazteei dagokionez).
2013-14 denboraldia amaitzeko bi partida falta direnean, Bera Bera Eskubaloiari puntu bakar bat falta zaio Ligako txapelketa berresteko (Bidebieta, larunbata 19etan). Hori Rocasak Valentzian irabaziz gero eta Telden Adesal Córdoba taldea gainditzen badu. Halere, gipuzkoarrek bera lana dute helburu, Mar Alicanteren aurkako partida ondo prestatu, orain arte gainditu ez duen taldea –joanekoan, 23-19- eta bigarren Ligan Bidebietan larunbatean ospatu nahi dute.
Estadistikaren arabera konbinazio bakar batean baino ez zen irtengo txapeldun Bera Bera, hau da, donostiarrek galduz gero eta Rocasa garaile bada Valentzian.
Gainera, Bera Berak bi gauza alde ditu. Alde batetik, Mar Alicantek lehengo larunbatean matematikoki mailari eutsi zion Castelldefels gaindituta (26-25), ondorioz, ez du ezer garrantzitsurik jokoan baina batez ere gipuzkoarrek Bidebieta gotorleku gisa dute. 2012ko urtarrilaren 31z geroztik ez du galtzen Ligan, Itxakok 25-26 irabazi zion Bera Berari. Donostiarrek 31 partida jarraian garaipena eskuratu dute, sei denboraldi hartan, hamahiru partida 12-13 denboraldian –aurreneko Liga- eta aurtengo hamabi norgehiagokak. Bat izan ezik, beste guztiak Bidebietan izan dira, non larunbatean partida historikoa biziko den.
