“Bera Berako entrenatzaile moduan ez jarraitzea da nire erabakia. Iaz, arrazoi pertsonalak eta lan kontuak zirela eta erabakia hartzea asko kostatu zitzaidan eta orain bolada hori amaiera jarri nahi diot, batez ere, arrazoi pertsonalengatik”. Imanol Álvarezen hitzak dira komunikabideen aurrean egindako agerraldian, Bidebietako aulkia utziko duela adierazterakoan.
“Pozik nago kluba honetan egon naizelako, nirekin lan egin dutenek gauzak errazako jarri dizkidate, pena handia hartzen dut, baina onena da” esan du Ermuko entrenatzaileak.
“Ez da erabaki erraza izan” onartu du Imanol Álvarezek. Iazko denboraldian hiru tituluak eskuratu eta gero “itxaropena handia zen baina bete dut, oso gustura egon naiz eta laguntza handia izan dut”.
Eskubaloiari lotuta jarraituko duen Bizkaitar entrenatzaileak “etxetik gertuago”, egindako lanarekin “gustora” dagoela onartu du.
Bestalde, eskubaloi arloko arduradun Tati Garmendiak “izandako inplikazioa eta profesionaltasuna eskertu nahi diot”. “Guretzako eragozpena da, tituluak hor daudelako eta beste persona bat aurkitu behar dugu gertu dagoena, proiektuarekin lotuko dena eta ezagutza dueña, jakina”.
Tatik nahiz Imanolek oso positibotzat jo dute egindako denboraldia. “Zoragarria izan da, lau titulu eskuratu ditugu (Superkopa, Euskal Kopa, Erreginaren Kopa eta Liga) eta Champions Leaguen oso paper duina egin dugu” azpimarratu du Bera Bera Eskubaloi taldeko arduradunak. Era berean “zalantzak” onartu ditu, “lesio larriak medio eta Alacanten eta Telden izandako porrotak tartean, baina Kopan kalitatea agerian utzi zuen taldeak, ostean Liga bereganatzeko”.
Imanol Álvarezen ustez “ez zen erraza berriro hiru tituluak eskuratzea baina lortu dugu”. Zentzu honetan, azkeneko urtetan Bera Berak egindako lana goraipatu du. “Egoera oparoenetan egindako lanaren fruituak jasotzen ari da, beste batzuk ez bezala, orduan neurtzen jakin ez zutelako”. Bere ustez, “harrobiari lotuta egon behar du Bera Berak, Gipuzkoako eta Euskal eskubaloiari lotuta ere bai”. “Eta horrez gain, hankak lurrean, orain taldea zuzentzen ari direnek gauzak argi dituzte eta horrela jarraituko dutela ziur naiz” amaitu du.
Gaur goizean komunikabideen aurrean egindako agerraldian, Bera Bera Eskubaloiko arduradun Tati Garmendiak adierazi du “Verónica Cuña, Yamiley Rodríguez eta Nitsan Dunay jakin badakite datorren denboraldian gurekin ez dutela jarraituko”. Klubak eskertza adierazi nahi die jokalariek urte hauetan izandako inplikazioa eta era berean etorkizunean zorterik onena opa die.
Tati Garmendiak azaldu du “aurtengo aurrekontuak ere murrizketak izango ditu eta ondorioz erabaki zailak hartu behar ditugu”. “Babesleen beharra dugu, gure balioekin lotura nahi dueña” azpimarratu du.
Garmendiak onartu du “hemen gelditzea nahi dugun jokalariekin hitz egin nahi dugu”. Fitxaketaz galdeturik, “irtengo diren jokalarien arabera izango da baina buruan gertu dagoen jokalari bat dugu”.
Championseko partaidetzaren inguruan, Tati Garmendiak azaldu du “EHFk baldintza guztiak bidaliko dizkigu–iaz sorpresak izan ziren- eta babesle bat premia dugu, azken unerarte saiatuko gara, hau da, ekainaren 11rarte”.
Asteburuko emaitzekin zehaztuta gelditu dira kadete, jubenil eta senior mailetan Gipuzkoako Kopako finalak. Bera Bera izango da hiruretan eta aurkari bera izango du Elgoibarko taldeak, hain zuzen.
Gainera senior mailan, elkarren arteko lehia jokatu zuten. Lauko Elgoibar aise nagusitu zelarik 33-13. Datorren larunbatean finalean egingo dute berriro topo eta donostiarrek beste itxura emateko aukera izango dute.
Bestetik, jubenil taldeak (8-30) Ereintza B gainditu zuen eta beste multzoko lidergoaren aurka, Errenterian Ereintza gainditu zuen Astigarraga Gys Sport Elgoibar taldea izango du aurrean maiatzaren 31n.
Eta kadete mailan, Bera Berak Elgoibarren Murgil taldeari irabazi zion (14-24) eta Tecnifuelle Elgoibar taldearen aurka jokatuko du finala maiatzaren 31n.
Ia ezer jokoan eta Bidebietan lehengo larubatean une historikoa bizi ostean, bigarren Liga poltsikoratuz, Bera Bera Eskubaloiak iazko denboraldia gainditzea zuen helburu. Eta berdinketan utzi du. Horrela, Imanol Álvarezen taldeak iaz Reyes Carrererenak lortu zituen puntu kopuru bera eskuratu du, 47 puntu, hau da, denboraldi bakoitzean bost puntu baino ez dira galdu.
Gipuzkorrek ezin izan dute zortzi segunduen faltan berdinketa suposatzen zuen Marta Méndezen gola. Izan ere, lau goleko desabantaila 11-7 (19. min) eta 12-8 (23. min) irauli egin dute baina gero ezin izan diote aldeari eustsi (45. min, 20-24)
Taldea ondo hasi da. Yamiley atepean eta 5-1 defentsan, Bera Berak Castro, Ederra eta Martínezen bitartez partidari eutsi dio. Halere, lehenengo zati amaieran Cleba Leonek tartea ireki du Ilina pivotearen bitarteaz baina Caño, Méndez edo Roldán jokalarien golei esker.
Bigarren zatian Bera Berak Cleba Leon estutu du eta hegaleko jokalarien bidez iritsi dira golak, Ziarsolo, Pinedo eta batez ere Castro. Halere Leongo taldeak etxean zeraman bolada onari eutsi nai zan dio eta Ilinak eta Sonia Rodríguezen lanari esker berdinketa lortu du (29-29).
Fitxa: Cleba León 29, Bera Bera 29
Cleba León 29 (14+15): Cristina, Lozano (2), Ubillos (1), González (2), Caño (3), Méndez (3), Ilina (11), Andrea Álvarez, Rodríguez (5), García, Roldán (2), Tudela eta Gutiérrez, (o.a.).
Bera Bera 29 (12+17): Yamiley, Castro (7), Arizaga, Ederra (3), Núñez (2), Martínez (3), Arrojeria (2), Pinedo (5), Ziarsolo (2), Dunay (3), Elorza (2), Etxeberria eta Temprano (o.a.)
Epaileak: Antonio Martin (Gaztela leon) eta Miguel Gardón (Madrid)
Kanporatuak: Andrea Álvarez, Clara García eta Ilina Cleba Leónetik eta Ederra, Martínez, Pinedo, Dunay eta Núñez Bera Beratik.
Partzialak: 2-2, 5-3, 7-6, 11-7, 12-9, 14-12 –atsedenaldian- 17-16, 18-20, 21-23, 25-26, 28-27 eta 29-29.
Oraingo honetan María Graciak zuzentzen duen senior taldeak irekiko du asteburua bihar Elgoibarko Olaizaga kiroldegian bertako Lauko taldearen aurka.
Partida hau amaitzerakoan kadete mailako partida hasiko da, hau da, Bera Bera vs Elgoibarko Murgil.
Eta igandean asteburua itxiko du jubenil mailako taldeak, Beraunen Ereintza B taldearen aurrean.
Argazkian eskubaloi eskola Ligako garaikurrarekin.
