30 Azaroa 2012

Asteburuko ordutegiei erreparatuz gero, larunbatean kadete eta jubenil taldeen txanda izango da. Gipuzkoako txapelketaren baitan, aurreneko fase amaitu ostean, Bera Bera Egia kadete 2 taldeak G3 multzoan kokatu dute Aiala ZKE, Aloña Mendi, Eibar Eskubaloia, Ordizia Irurena, Urola eta Zalla Taberna Pulpo. Bihar Bidebietan Aiala ZKE taldearen aurka jokatuko dute arratsaldeko 4etan.

Euskal Ligan, berriz, Bera Bera Egiako kadee nahiz jubenilek Oñatin izango dituzte hitzorduak. Aloña Mendiren aurka, Zubikoa kiroldegian, 16etan kadeteen txanda izango da eta 17,30etan jubenileena.

Eta amaiatzeko, igandean 12,30etan Egiako kiroldegian senior mailako Egia Bera Bera taldeak Ereintza hartuko du bigarren itzuliari hasiera emanez. Infantil mailako taldeak abenduaren 15erarte ez dute partidarik izango.

27 Azaroa 2012

Iraila froga moduan erabilia izan zen, urrian gauzatu ziren matrikulak eta azaro bukaeran 8 eta 12 urte bitarteko 23 gazte dira Bera Beraren eskola osatzen dituztenak.

Gazte gehienak lehengo urtean ibili ziren, halere, geroz eta jende gehiago animatzen da asteleheneko talde honetako jokalaria izaten.

Imanol Reformas enpresak babesten duen ekimen honen bidez Bera Bera Eskubaloiak gazteengan, neskak eta mutilak, kirola sustatu nahi du orokorrean eta bereziki, eskubaloia.

Horrela, harrokiko koordinatzaile Verónica Valverderen zuzendaritzapean, Ainara Luque lagun duela, astelehenero 18,30etatik aurrera, ordubetez, 23 gazteek primeran pasatzen dute.

Imanol Reformasen kamiseta urdinak jantzita, berotzeko ohiko ariketak egin ostean, joku ezberdinak osatzen dute Bidebietan, baloiarekin edo gabe, nahiz eta gehienak gustoko duten baloia, adinari egokituta dagoena.

26 Azaroa 2012

Senior mailako Egia Bera Berak asko sufritu zuen 29-26 Tecnifuelle Elgoibar gainditzeko, Egia kiroldegian larunbatean ospaturiko partidan, lidergoan bakarrik utzi dion norgehiagokan.

Beste horrenbeste Bera Bera Egia Infantil Bi taldeari gertatu zitzaion, gol batez 12-11 Urnieta Bosteko Jatetxeari irabazi baitzion eta Udarregirekin batera lider da Gipuzkoako txapelketan. Bera Bera Egia infantil Bat taldea aise nagusitu zen 29-12 Bidasoa Irunen aurka.

Euskal ligan, ondo kadeteak 35-11 irabazi zutelako Talai-Pe Jatetxea Pulpori eta jubenil mailako taldeak ez zuen zorterik izan 18-19 Galdona Burdindegia Pulporen aurrean galdu baitzuen. Gipuzkoa txapelketan, Bera Bera Egia Kadete 2 taldeak 11-18 galdu zuen Zalla Taberna Pulporen aurka.

23 Azaroa 2012

Ohorezko mailako taldeak duen ohiko etenaldia kontuan harturik, harrobiak izango du arreta osoa asteburu honetan, gainera, talde guztiek etxean jokatuko dituzte partidak. Norgehiagoka interesgarriena Egia kiroldegian jokatuko da bihar 18,15etan multzoko liderrak elkartuko dituena, Tecnifuelle Elgoibar eta Egia Bera Bera alegia. Biek jokatutako zazpi partidak irabazi dituzte eta golean aldeari esker elgoirbatarrak dira egun líder. Bestetik, larunbat arratsaldean kadete eta jubenil taldeek hiru partida jokatuko dituzte Bidebietan Zumaiako taldeen aurka, puntuak etxean gelditzeko asmoz gainera. Gipuzkoako txapelketan, Bera Bera Egia kadete 2 taldeak Zalla Taberna Pulpo hartuko du 16,45etan. Eta Euskal Ligan, Bera Bera Egia kadete taldeak Talai-Pe Jatetxea Pulpo izango du aurrean 18,30etan, Galdona Burdindegia Pulpo jubenilen partida berriz 20etan hasiko da leku berean. Igandean, infantilen txanda izango da Yoldi kiroldegia. Bera Bera Egia Bat taldeak aurreneko garaipena eskuratzeko aukera du Bidasoa Irunen aurrean goizeko 9,30etan eta Bera Bera Egia Bi liderrak Urnieta Bosteko Jatetxea hartuko du 11etan.