Egun Txekiako Banik Most taldean datozen bi denboraldietarako akordioa sinatu du super amara Bera Berak Eszter Ogonovszky ezker hegaleko hungariarrarekin. 20 urte ditu – uztailean 21 beteko du –, 1,78 zentimetro neurtzen du, eta 2019-2022 bitartean Ambros Martinek zuzendu zuen Gyori taldeko jokalari izan zen.
Espainiako Eskubaloi Federazioko Arlo Teknikoko Adituen Batzordeak super amara Bera Berako jokalari Carmen Arroyo 19. jardunaldiko Guerrera Iberdrola izendatu du. Sariak super amara Bera Berako zentralaren partida saritu du, Motive.co Gijón taldearen aurka defentsa nahiz erasoan –bost gol- egin zuen lana. super amarak 37-21 irabazi zuen.
super amara Bera Berako jokalari batek lortzen duen mota honetako bigarren saria da, Elke Karstenek seigarren jardunaldian lortutakoaren ondoren.
Hasiera on bat nahikoa izan da super amara Bera Berak Motive.co Gijónen aurka abantaila erosoa hartzeko, eta neurketaren ondorengo kudeaketak bi puntu berri utzi ditu Gascan, Atticgo Elx eta Costa del Sol Malagari presioa egiten jarraitzeko. Valladoliden eta Eldan hutsik egin ez dutenak.
Bihar, Gascan, Occident partidan, super amara Bera Berak Atticgo Elx eta Costa del Sol Malaga Liga Erregularreko lehen posturako lehian estutzen jarraitzea du helburu. Horretarako Motive.co Gijón gainditu beharko du, Rocasari irabaztetik datorrena. (18etan, Beatriz del Valle eta Patricia del Valle, andaluziarrak).
Bera Bera Eskubaloiko harrobio talde guztiek izango dituzte hitzorduak asteburu honetan eta harrigarria bada ere, lehen taldeak bezala, bat izan ezik Donostian jokatuko dituzte, hamar guztira.
