Bera Bera - Berriak

23 Martxoa 2016

Gaur gauean abiatuko dira Valentziara Autocares Davidekin, izan ere, martxoaren 24tik 27ra bitartean ‘Ciutat d’Algemesí’ko I Txapelketan parte hartze aldera. Bera Berak bost talde eramango ditu: infantil nesken bi talde, infantil mutileena, kadete mutileena eta jubenil neskeena, guztira, 65 jokalari.
Algemesíko Balonmano Maristas taldeak antolaturik, benjamín eta jubenilen arteko gazteei zuzendutako txapelketa da. Horrela, Bera Berako harrobiak ostegunetik larunbata bitartean jokatuko ditu partidak eta finalak igandean izango dira.
Bera Berarekin batera dira honako taldeak: Maristes, La Roca, Atl. Valladolid, La Salle Montcada, Torrelano eta Mislata.
Hondarribiko XV. txapelketa
Bestetik, Gipuzkoako infantil mailako selekzioarekin arituko dira igandean Hondarribiko XV. txapelketa June del Campo eta Saioa Gerendiain, Bera Berako jokalariak. Txapelketa igandean burutuko da Hondartza kiroldegian.

22 Martxoa 2016

Polonian pasa den asteburuan burututako fasean, Espainiako junior mailako selekzioak Errusian jokatuko den uztailaren 3tik 15era bitartean Mundialerako txartela lortu zuen. Sagrario Santanak zuzentzen duen taldeak, non Bera Berako hegaleko jokalari Maitane Etxeberriak protagonismo handia izan duen, hiru partidak irabazi ditu: Eslovakia, Polonia eta Turkiako selekzioak gainditu zituen jokoan zegoen txartel bakarra eskuratzeko. Junior mailako selekzioan dira ere bai Aiala Zarautz taldeko gipuzkoarrak, Nora Kortaberria eta Ane Artola. Norvegiako IV Txapelketa Bestetik, Brasil eta Alemania gol bakar batez gaidintu ostean, Espainiak Norvegiari irabazi zion Oslon bertan 25-27, IV Nazio Txapelketa eskuratuz.

22 Martxoa 2016

Aste Santua dela eta lau eguneko atsedena hartu baino lehen, hiru saio burutuko diru Bera Berak. Gaur arratsaldean Irungo Artalekun, bihar eta etzi goizean, Bidebietan. Hortaz, gaur 18etatik 19etara ordubete saioa burutuko dute eta ondoren beste ordu erdi bat Bidasoako lehenengo plantillarekin. Irunera egingo duen bisita bi taldeen hitzarmenarepean kokatzen da. Gaurko entrenaldian Bidasoako harrobiko taldeek ikusi ahal izango dute saioa eta horren ostean ariketak eta partidak jokatuko dituzte bi plantillen artean. Entrenaldira Bera Berako aurreneko plantilla bere osotasunean joango da, Eli Pinedo, Bea Fernández eta Maitane Etxeberria internazionalak barne.

21 Martxoa 2016

Bera Bera Eskubaloiak ez zuen hutsik egin Bidebietan Ereintza Barymonten aurka (30-20) baina CB Jarrilleras taldeak Basaurin liderrari irabazi zion (17-24), hortaz, bigarren lekuari eusteko gutxienez berdindu beharko du Portugaleten apirilaren 10ean. Aurreneko bi sailkatuek lauko finala jokatuko dute beste multzoko bi talde onenekin, Zilarrezko mailara igotzeko fasea jokatzeko aukera emango duena.
Bestetik, infantil mailan Bera Bera Bat taldeak (19-22) galdu zuen Aloña Mendirekin; Foru Aldundia txapelketan, Bera Bera Hiru taldeak (24-3) gainditu zuen Urola Eskubaloia eta mutiletan, Hernani E.T.ri irabazi zion Bera Berak (36-28).
Datorren asteartean, 19,30etan, Andoainen elkarren aurka arituko dira Leizaran Eskubaloiak eta Bera Bera Bi infantil mailako neska taldea.
Argazkiak (Juan Antonio Garaikoetxea): Infantil mutilak, Bera Bera Bat, Bera Bera Hiru

19 Martxoa 2016

Bera Bera Eskubaloiak Logroño Sporting La Rioja taldea gainditu du (21-14) gaur arratsaldean Lizarrako Lizarreria kiroldegian burututako lagunartekoan, Lizarreria klubaren babesa lortze aldera. Defentsan nagusi izan diren partidan, 11-8 atsedenaldian, erasoan gehien asmatu dutenak Ana Martínez eta Alicia Fernández izan dira, zazpi eta sei golekin. Lesioak direla edo Espainiako selekzioekin konzentraturik –Pinedo eta Bea Fernández- eta Etxeberria junior mailako selekzioarekin, Bera Bera pistako bederatzi jokalariekin aritu da, izan ere, bigarren taldeak ere gaur arratsaldean partida baitzuen. Fitxa: Bera Bera 21 (11+10): Zugarrondo, Alicia Fernández (6), Menéndez (1), Arrojeria (1), Ederra (2), Martínez (7), Ezkurdia (2), Sans, Yáñez (1), Lizarbe (1) eta Temprano (o.a.).