05 Uztaila 2016

Gorka Núñez izango da Bera Bera Eskubaloiko 2016-17 denboraldirako prestatzaile fisikoa, proiektu berriei helduko dien Iker Fernández ordezkatuz. EHUko Jarduera Fisikoaren eta Kirolaren Zientzien Lizenziatua eta Goimailako Kirol Errendimenduaren Fisiologian masterra duena Madrilgo unibertsitate autonomoan, Gorka Núñezek eskarmentu handia du elite mailako euskal taldeekin. 42 urteko beasaindarra, azpimarragarria da prestatzaile moduan egindako lana, besteak beste, Saski Baskonian eta Ordizia Rugby Elkartean, horrez gain modalitate ezberdinetan banakako errendimenduzko kirolariak ere prestatu dituelarik. Gorka Núñezek Montse Puche eta Eider Rubio entrenatzaileekin izan ditu hartu-emanak aurredenboraldia ahalik eta ondoren prestatze aldera. Bera Beraren asmoa da uztailaren azken astean saio fisikoeekin hastea eta bost asteko prestaketa osatu aurreneko partida ofiziala iritsi aurretik, irailaren 3an Iruñan jokatuko den Superkopako finala Prosetecnisa Zuazo Barakaldoren aurka, alegia. Bera Bera Eskubaloiak Iker Fernándezi sei denboraldietan egindako lana eskertu nahi dio eta erronka berrietan ahalik eta zorterik onena opa.

03 Uztaila 2016

Espainiako B selekzioak Antequeran aste honetan ospatu den Unibertsitate mailako Mundiala irabazi du finalean Errumania gaindituta (14-20). Ángel Sandoval eta José Ignacio Prades entrenatzaileek zuzendu duten taldeak defentsa ireki baten bidez Errumaniarren eraso jokoa oztopatu dute, Menéndezen lana ona egin duelarik, eta partida bikaina burutu duen Castellanos atezaina gainditzeko lan itzela egin behar izan dute. Erasoan, Sempere pibotearekin lotura, González de Garibayren kontraerasoak eta Manauten jaurtiketak Espainiari abantaila eman diote. Arrojeriarekin tartea handitu egin da, batez ere bigarren zatian (45 min. 10-17). Errumaniak gol bakar batez irabazi zion Espainiari ligaxkan baina oraingoan ezin zuen. Espainiak abantaila kudeatu du amaiera arte Urrezko domina bereganatuta. Bera Beratik Mundialean izan dira Esther Arrojeria, Alba Menéndez, Maite Zugarrondo eta Leringo hegaleko jokalaria, Alcobendasetik etorri dena, Leire Aramendia. Zorionak!

03 Uztaila 2016

San Marko Mankomunitateak eta Ecoembes eta Ecovidrio erakundeek antolaturik, Bera Bera Eskubaloiko irudia duen birziklabirintoa kanpaina hartu du Garberak uztailaren 16ra arte.
Kanpaina honen bidez, herritarrak sensibilizatzeaz gain era berean informazioa ere eskaini nahi du zaborra ondo separatzeko eta birziklapenaren garrantziaz jabetzeko.
Garberak barruko pasillo batean kokatu du birziklaberintoa, irudian San Marko Mankomunitateako presidente Jaime Domínguez-Macaya; Garberako zuzendari, Nuria Vegas eta Bera Bera Eskubaloiko entrenatzaile, Montse Puche, besteak beste. Astean zehar arratsaldez irekita egongo da (17etatik 21ak arte) eta larunbatetan (11etatik 14akk arte)

01 Uztaila 2016

Select enpresaren egoitzean ospatu da gaur eguardian Txapeldunen Ligako multzoen faseko zozketa. Danimarkako Glostrup hiriko baloiarekin jokatuko baita aurten Europako emakumezkoen kluben arteko lehiaketarik gorena.
Irailaren 10 eta 11n sailkatze fasea gaindituz gero, Leipzigen jokatzeko aukera asko daudelarik, Bera Bera B multzoan sartuko litzateke Mazedonia eta Errusiako txapeldun Vardar eta Astrakhanochka eta Hungariako azpitxapeldun FTC. Bera Berak multzoen fasea jokatu zuenean 2013an Vardar izan zen atarikoa irabazi zuena.
Bera Berak sei partida sei asteetan jokatuko lituzke eta, era berean, Ligakoak. Errusian hasiko luke ibilbidea urriaren 14-16an, hurrengo biak Donostian, Vardar urriaren 21-23an hartuko luke eta FTC hurrengo astean; ondoren Budapestera bidaia, Astrakhanochka izango luke Donositan eta multzoen fasea Skopjen amaituko luke azaroaren 18-20an. Aurreneko hiru taldeak Main Round delakora pasatuko lirateke eta hemen A multzoko onenekin elkartuko lirateke, Buducnost, Thuringer, Metz eta aurreneko atarikoan garaile. Laugarren taldeak EHFko multzoen fasea egin luke salto, 2017ko urtarrilaren 7tik aurrera.
Bestetik, C da multzorik zaileena, izan ere, bertan dira Györi, Bucaresti (egungo txapelduna), Danimarkako txapeldun FC Midtjylland eta Rostov. Eskandinaviko taldeak osatzen dute ia D multzoa: Larvik, Danimarkamo Team Esbjerg eta Suediako Savehöf eta hirugarren atarikoaren garaile.
Multzoen fasean herri bereko taldeak ez nahastea erabaki du irizpide gisa EHFk.