‘Indar Urdina, Zure barruko grina/Lo llevas dentro' lelopean, super amara Bera Berak 23-24 abonatu kanpaina aurkeztu du gaur eguerdian Gascaren kanpoaldean, marea urdinari jarraitzaile gehiago gehitze aldera eta mila abonu gainditzeko helburuarekin.
super amara Bera Berak KH7 BM Granollers hartuko du irailaren 2an Josean Gasca kiroldegian, Guerreras Iberdrola 23-24 Liga irekitzeko. Liga erregularra etxean ere amaituko du, martxoaren 23an, Caja Rural Aula Valladoliden aurka. Imanol Alvarezen taldeak aurkari zuzen gehienak lehen itzulian bisitatuko ditu.
Alba Menéndez kapitainak 15. denboraldia beteko du super amara Bera Beran, eta pibotean duen erreferentzia, Giuliana Gavilán argentinarra ere berritu duena. Biak beste urtebeterako. Bi kontratu luzapen hauekin, Imanol Alvarezek baditu 16 jokalariak 23-24 kanpainari aurre egiteko.
Super Amara Bera Berak urtebetez luzatu dio kontratua June Loidi albokoari eta Anne Erauskin eskuin hegalakoak, berriz, 2025era arte geldituko da Donostian. Horrela, 23-24 ikasturtean elgoibartarrak hirugarren denboraldia beteko du eta ermuarrak, bigarrena.
Bera Bera eskubaloiko arduradun Tati Garmendiak eta La Jota eskubaloiko presidente Jorge Batllek lankidetza hitzarmen bat sinatu dute eskubaloiari Zaragozan bultzada bat emateko helburuarekin, eta talde aragoiarrak bere jokalariak super amara Bera Berarekin jokatzea erraztuko luke, aukera hori sortuz gero.
