Kopa lehiaketa ezberdina dela jakina da. Sensazioak eta itxaropenak nahasten direla ere bai. Hasieratik talde bati gauzak ondo ateratzen zaizkiola eta besteak, presioak gainditzen duela askotan ematen da horrelakoetan.
Bera Berak Porriñora egin du bidaia beste paper batekin. Askotan ezer galtzeko ez duen talde gisa aurkeztu dira Kopan donostiarrak orain, aldiz, ligan lider egonik faboritoen zama daramate. Eta partida asko bihurritu da, gehiegi, luzapeneko aurreneko minutuan baino ez baita jarri aurretik Bera Bera.
Zuazok argi zuen zer nolako erasoa gauzatu behar zuen eta bestetik, donostiarren kontraeraso oztopatzea zen ideia. Penaltiak eta kanporatzeak bitartez –lau lehenengo zatian- Zuazo aurretik mantendu da. Bera Berak berdinketak lortu ditu Pinedo, Alba Menéndez eta Elorzaren bitartez. Baina bizkaitarrek berdin jarraitzen zuten eta Ana Temprano atezaina Bidebietan urtarrilean bezain fin. Gainera, zelai erdira makina bat aldiz atera da baloiak moztea eta ondo irten zaio.
Zuazo 9-13 joan egin da markagaileuak atsedenaldirako hiru minutu falta zirela baina Elorza eta Pinedo –gaur portzeintai eskasekin- aldea murriztu dute (11-13).
Bigarren zatiaren hasieran, Bera Berak baloi ugari izan ditu berdinketa lortzeko, Zuazok aprobetxatu dituenak (12-16). Eider Rubio bolada txarrari amaiera jarri dio eta 14-17 jarri du (45. Min). Zoqbi partidan sartu da eta bizkaitarren erasoak sufritu du hortik aurrera. Halere, Ana Temprano bikain zebilen. Nuñez kanporatu dute eta Zuazok arnasa hartu du 17-19 baina kanariarren gol batek eta Matxalen Ziarsoloren beste bi –aurrenekoak partida- berdinketa eman dute. Bera Berak azken baloia izan du baina jokaldia ez da ondo irten.
Halere, luzapena donostiarren alde abiatu da. Zuazok hiru gol sartu ditu azkeneko 15 minutuetan eta gol bakarra, penaltiz, gauzatu du luzapenean. Bera Berak okerrena igarota, lasaiago jokatu du eta lortu duen aldeak ez du zerikusirik partidan bizi denarekin.
Orain BM Porriño edo Elche Mustang izango du aurrean larunbatean.
Fitxa: Bera Bera 25, Zuazo Barakaldo 21
Bera Bera 25 (11+9+5): Zoqbi, Castro (1), Elorza (2), Arizaga (1), Menéndez (1), Núñez (3) eta Pinedo (8) –titularra- Ziarsolo (4), Altuna (1), Rubio (4), Ederra (1), Dunay eta Yamiley (o.a.).
Zuazo Barakaldo 21 (13+7+1): Temprano, Álvarez (1) , Gil, Sagasti, Ahedo (3), Yañez (8), Galarza (1), Bonilla (2), Belloso (3), Botica, Hernández (3) eta Aldekoa.
Epaileak: Sergio Rodríguez eta Andrés Rosendo (Galiza)
Kanporatuak: Pinedo, Castro, Núñez (2)eta Elorza Bera Beratik eta Botica Zuazotik
Partzialak: 1-2, 2-4, 5-6, 7-8, 9-10, 11-13 –atsedenaldian- 12-13, 13-16, 14-17, 14-18, 7-19, 20-20 –luzapena - 22-21 eta 25-21.
Senior mailako taldeak Usurbilen emango dio hasiera igoera faseari. Bertan Atez Ate taldea izango du zain Egia Bera Berak, larunbatean 19etan. Usurbiltarrak eta donostiarrak bigarren multzoan daude Kukullaga Etxebarri eta Gasteizko IES Contrucción taldeekin batera.
Euskal liga, larunbatean Bidebietan. Bera Bera Egia kadete taldeak Usurbil hartuko du 16etan eta jubenil taldeak Kukullaga izango du aurrean 18etan.
Kadete mailako beste taldea larunbatean 10,45etan arituko da Andoaingo Alluralde kiroldegian CDB Leizaranen aurka.
Azkenik, Bera Bera Egia Infantil Bii taldeak Oñatira egingo du bidaia Aloña Mendi D taldearen aurka jokatzeko, larunbatean 12,15etan. Eta igandean Bera Bera Egia Infantil Bat taldearen txanda izango da, 12etan Bidebietan Ereintza Aguaplast taldea hartuko du.
Iaz Altean zerrenda buru izan bazen ere, aurten Bera Bera Eskubaloiak aurreneko aldiz Ligako líder moduan aurkeztuko da Kopan. Hogeigarren aldiz izango da Bera Bera kopan, 1992tik ez du huts egin eta birritan eskuratu du txapela (2007 eta 2009an). Horregatik, donostiarrak trebeak dira faboritoak gainditzen eta finaletara iristen aukera gutxi izan arren.
Hori dela eta, aurten rola ezberdina bete behar dutela onartu du gaur Bidebietatik Porriño bidean atera den taldeak. Bera Berak Porriñon bertan igaroko du txapelketa guztia, bertakoak, Zuazo Barakaldo eta Elche-Mustang taldeak bezala. Mecalia Atlético Guardés, Alcobendas, Kukullaga eta Rocasa, berriz, final-laurdenak A Guardan jokatuko dituzte.
Horrela, Bera Bera Zuazoren aurka arituko da bihar 18,30etan. Ordu berean, A Guardan, Mecalia Atlético Guardések Helvetia Alcobenas hartuko du eta 20,30etatik aurrera Elche Mustang vs Bm Porriño eta Kukullaga Etxebarri vs Rocasa. Bera Berak Zuazo gaindituz gero larunbatean Porriño vs Elche Mustang partidaren irabazlea izango du aurrean.
Gaurko eguna Autobuses Davidekin igaro du Bera Berak. Bihar 10etatik 11ak bitartean entrenaldia burutuko du arratsaldeko partida ondo prestatzeko.
Aurreneko 19 edizioetan Bera Berak 13 aldiz iritsi da final erdietara eta zazpi final jokatu ditu. Matxalen Ziarsolo da egungo plantillatik azkeneko bost finaletean egon den jokalari bakarra. Horrez gain, Darly Zoqbi eta Libe Altuna Leonen izan ziren 2006an, zarauztarra Eider Rubiorekin batera Lizarran izan ziren 2008an eta hurrengo urtean Monovarren garaipena bizi zuten. Laurak eta Eli Pinedo, Alba Menéndez, Nagore Arizaga, Yamiley Rodriguez eta Vero Cuña finalera iritsi ziren iaz Altean baina Itxakoren aurka aukerarik ez zuten izan.
Lidergoa jokoan zuten eta igoera fasean aurkari gogorrenak saihestea. Halere, bigarren zati negargarriak lehenengo postuari eusteko modurik ez zuen eman. Tecnifuelle Elgoibar 29-19 gainditu zuen Egia Bera Bera eta atzetik asteak eman ondoren azken jardunaldian aurre hartu die. Orain Mauge Gezalaren jokalariak Kukullaga Etxebarri, Gasteizko IES Construcciones izango ditu aurrean eta Atez Ate Usurbilek osatuko du taldea. Egutegiaren zozketa gaur arratsaldean izango da.
Euskal Ligan, bi porrot. Zarautzen Bera Bera Egia jubenil taldeak 29-18 galdu zuen Aiala Zarautz KE taldearen aurka eta katedeak Barakaldon 30-22 Zuazoren aurka.
Foru Aldundia txapelketan, Bera Bera Egia kadete 2 taldeak 28-20 galdu zuen Urnieta Mecanizados Kamoxen aurka.
Infantiletan, Foru Aldundia txapelketan, Bera Bera Egia Bat taldeak Egian galdu zuen eta harrobiko taldeen garaipen bakarra atzo iritsi zen Bera Bera Egia Infantil Bi taldearen eskutik, Pizzeria Marina Pulpo 26-9 gainditu baitzuen.
Zazpi egun borobilak. Pasa den igandean Gaskan bizi zena harrigarria izan bazen ere, garrantzi handiko garaipenak lortu ditu aste honetan Bera Berak Lizarran eta gaur ilunabarrean Etxebarrin. Bera Bera Eskubaloiak beste urrats bat eman du Liga eskuratzeko markagailuak adierazten duena baino partida trakets batean.
Bera Bera, horrela, datorren astean Galizan ospatuko den Kopara lidergoan iritsiko da.
Donostiarrek ez zuten erasoan Kukullagari aukerak eman. Hasierako 0-2 irudikeria sortatu zen, Bera Bera erasoan baloiak galtzen hasi zelako eta jaurtiketa garbiak Leire Garcia atezainak urruntzen zituen.
Horrela, Kukullaga 5-2 aurretik jarri da, Bera Beraren erasoan itzalita. Kasu hauetan, defensa eta kontraerasoa eta emaitza eman du, batez ere, Matxalen Ziarsoloren inspirazioa lagun. Donostiarrak pixkanaka pixkanaka gerturatu dira: 5-4, 7-6 eta atsedenaldian abantail txiki bat lortu dute (10-12).
Bigarren zatiaren hasieran Kukullagak partida berdindu arren, Castro eta Ederra jokalarien golei esker Bera Berak tartea berreskuratu du. Hortik aurrera, Bera Berak bide zuzena jarri du eta kontraerasoen uholdea etorri dira bi aldetatik, batez ere, Matxalen Ziarsolok eta Adriana Castrok gauzatu dituztenak, izan ere, biek batera 18 gol sartu dituzte.
Partida joan ahala, donostiarren abantaila handitzen zihoan (13-21) baina hiru kanporaketa ia jarraian jasan izan du Bera Berak. Kukullaga orduan 21-25 hurbildu da baina azkeneko bi minutuetan abantail handiena eman dio Bera Berari.
Fitxa: Kukullaga 21, Bera Bera 29
Kukullaga 21: (10+11): García, Mariya (3), Bayón (2), Echabe, Elizegi (5), Nogales (5), Azaola (2), Azkona (4), Rodríguez, Fernández, Sanchez, Castaños eta Vales.
Bera Bera 29 (12+17): Yamiley, Altuna, Elorza, Menéndez (1), Rubio (2), Núñez y Ziarsolo (10, 1p)–titularra- Castro (8), Dunay (1), Pinedo (4), Ederra (3) eta Zoqbi (o.a.).
Epaileak: Rodríguez eta Portela (Galiza):
Kanporaketak: Menéndez, Elorza, Ziarsolo, Pinedo eta Dunay Bera Beratik eta Mariya (2), Nogales (2) eta Azkona Kukullagatik
Partzialak: 0-2, 5-2, 5-4, 7-6, 9-10, 10-12 –atsedenaldia- 12-14, 14-17, 15-20, 16-23, 20-25 eta 21-29
