30 Uztaila 2015

Eskarmentua eta gazteria nahastu ditu aurten Bera Bera Eskubaloiak 2015-16 denboraldiari aurre egingo dion plantillan eta gaur goizean Donostiako Josean Gasca kiroldegian aurredenboraldiari ekin diona ilusioak berriztuta. 26 urtera iristen ez den bataz bestekoarekin, Bera Berak eskarmentu handiko jokalariekin: Matxalen Ziarsolo -15 denboraldi-, Eli Pinedo -10-, Silvia Ederra, Ana Temprano eta Tania Yáñez –fitxaketa berria- eta ibilbide luzeko gazteekin osatu du taldea. Maite Zugarrondo atezainak transizioa finkatu du eta 90. hamarkadakoak agertzen dira Alba Menéndez –zazpigarren denboraldia Bera Beran oraindik 24 urte bete ez dituenen-, Ana Martínez eta Maialen Múgica –lesionaturik ez bertan izan-, hirurak 91eakoak eta 94koak dira Arrojeria, Ezkurdia eta Judith Sans iritsi berria. Erdian, Alicia Fernández fitxaketa -23 urte abenduan-; eta gazteena, Maitane Etxeberria -18 urte- Valentziako 19 urte azpiko Europako txapelketan protagonismo handia duena. Bera Bera RTko presidente Fernando Diez Mintegik ongietorria eman dio taldeari eta jokalari nahiz arlo teknikoari animoak eman dizkie erronka berriei ekiteko. Komunikabideen aurrean, Montse Puchek argi utzi du “intentsitatea eta exijentzia eskatuko duela lehen minututik denboraldi hasierara ahalik eta ondoren iristeko”. Aste hauetan zehar, Bera Berak arlo fisikoa eta pistan egingo den lana uztartuko ditu. “Igandeetan bakarrik hartuko dugu atseden, astean hiru egunetan bi saio burutuko ditugu eta, gutxienez, sei lagunarteko jokatuko ditugu”. Bera Berak abuztuaren 12an hartuko du Gascan Nantes Loire Atlantique, Frantziako lehen mailako taldea; abuztuaren 14an Barakaldon jokatuko du, Frantziako Celles sur Belle herrian Nantes abuztuaren 18an, bertako txapelketan abuztuaren 21ean Chambray-Touraine HB bigarren mailako taldea izango du aurrean eta larunbatean beste bat emaitzaren arabera eta abuztuaren 26an Egiako txapelketan itxiko du Aiala Zarautzen aurka; abuztuaren 29an (19,30etan) Superkoparekin Bera Berak eta Rocasak Gaskan ofizialki denboraldia hasiko dutelarik. Montse Puche ziur da “jokalari berriek ekarpen handia emango diote taldeari, orain integrazio lana egin behar dugu lehenbailehen”. Taldeari eskatu nahi dionaz galdeturik, madrildarrak “eraso posizionalean hobetu, defentsan jokalari guztiak egokitu eta transizio eredua landu”.

28 Uztaila 2015

Portugal eta Bielorrusiaren aurkako garaipenei esker eta Norvegiaren aurka galdu arrean, Espainiako selekzioak Valentzian egun hauetan ospatzen ari den 19 urte azpiko Europako txapelketako Main Round delakora lortu zuen txartela eta bertan dira Maitane Etxeberria eta Andrea Zaldua gipuzkoarrak. Fase hauetan Hungaria eta Suedia izango dute aurrean, uztailaren 28 eta 29an arratsaldeko 19etan. Aurreneko faseko puntuak kontutan hartzen direnez, norvegiarrak eta suediarrak bina puntukin daude, espainiarrak eta hungariarrak ordea hutsean daude. Horregatik, ezinbestekoa da Sagrario Santanaren selekzioak garaipenak eskuratzea dominak hizpide izan nahi badute. Taldean lan azpimagarriena betetzen ari da Maitane Etxeberria. Pistan minutu askorekin, 13 gol daramazki eskuin hegalekoak, horien artean, hiru penaltiz.

28 Uztaila 2015

Montse Puchek datorren ostegunerako, uztailak 30, Josean Gascan goizeko 10,30etan deitu dituen ohorezko mailako 12 jokalariaz gain, iaz lehen taldearekin debuta egin zuten Eider Lizarbe albokoak eta Maialen Husillos hegalekoak eta, era berean, Olatz Ramon piboteak bat egingo dute aurredenboraldian. Aitzitik, bertan egoterik ez du izango Lur Errekondo, sorbaldatik ebakuntza egin berri diotelako. Izan ere, Montse Puchek beste hiru baja ditu: lesionaturik dagoen Maialen Múgica, Maitane Etxeberria eta Andrea Zaldua Valentzian 19 urte azpiko Europako txapelketan direlako. Gainera, Múgicari berriro ebakuntzari egingo diote belaunean, ziklope izenekoak ez baitio erabat belauna luzatzen uzten. Bestetik, Andrea Zaldua Aiala Zarautzen utzita jokatzeko lanean dira bi taldeak. Hortaz, Puchek 15 jokalari izango ditu aurredenboraldiko lehenengo egunetan arlo fisikoak lehentasuna izan arren, Gascako pistan egingo duten lana ere erabakiorra izango da.

27 Uztaila 2015

Valentziako Eskubaloi Federazioan egindako zozketaren arabera, Liga Loterias izeneko egutegian gipuzkoarren derbia egokitu du irailaren 5erako. Hau da, 2015-16 datorren denboraldia irekitzeko Bera Berak Aiala Zarautz hartuko du Bidebietan eta maiatzaren 28an Helvetia Alcobendasen aurka jokatuko du etxean ere bai. Zozketak lehenengo jardunaldirako Liga irabazteko bi faborito nagusien arteko lehia utzi du: Rocasa vs Mecalia Atlético Guardés.
Datorren ostegunean, uztailak 30, aurredenboraldiari ekingo dioten donostiarrek Mediterraneora joango dira irailean, Valentziara egingo dute aurreneko bidaia eta ondoren Granollersera. Tartean Valladolideko Aula izango da Bidebietan eta Elche Mustang ligako aurreneko etenaldia baino lehen.
Urrian: Rocaca eta Guardés
Urria hilabete erabakiorra izan daiteke. Aurreneko etenaldi ostean, Bera Berak Málagara egingo du bidaia, urriaren 24ean Rocaca Ace Gran Canaria hartuko du eta 31ean A Guar Mecalia Atlético Guardés izango du aurrean, galizarrek Israeleko Bnei Hertzeliya taldearen aurka -Nitsan Dunayren ohia- Errekopako kanporaketa izan ondoren.
Azaroan, Bidebietan izango da BM Porriño eta EHFko hirugarren txandako kanporaketa dela eta donostiarrek astean zehar jokatu beharko dute Oviedon, Eslovakia edo Luxemburgorea bidaiatu aurretik.
Bera Berak Prosetecnisa Zuazo Barakaldo hartuko du 2016ko urtarrileko bigarren astean. EHFko kanporaketa gaindituz gero astean zehar jokatu beharko dute derbia eta gauza bera hirugarren astean Carobels Ule Cleba León taldearen aurka Bidebietan ere bai. Lehenengo itzulia Alcobendasen amaituko da urtarrilaren 23an.
Hortaz, Zarautzen hasiera emango diote bigarren itzuliari urtarrilaren 30ean. Bidebietara 2016ko otsailaren 6an itzuliko da Valentziako Canyamelar taldearen aurka eta aipatzeko datak dira otsailaren 13an Valladoliden, martxoaren 5ª Elxen, Telden apirilaren 9an eta Kopa ostean Bidebietan Mecalia Atlético Guardés izango da apirilaren 23an.
Azken txanpan, Porriño, Barakaldo eta León bisitatuko ditu eta Bidebietan izango dira Jofemesa Oviedo eta azken jardunaldian Helvetia Alcobendas maiatzaren 28an. Ikusi Egutegia Liga Loterias