Lyndie Tchaptchet super amara Bera Berako piboteak ezkerreko eskumuturrean eskafoidea hautsita du, atzo egin zioten frogan jakinarazi duenez. Ondorioz, baja izango da hemendik denboraldia amaitu arte.
Internazional nafarrari ebakuntza kirurgikoa egingo diote datorren astelehenean ahal bada, Madrilen, Ester Somazarekin batera, honek eskuineko belauneko aurreko lotailu gurutzatua hautsita du.
Bi jokalariek nazioarteko azken astean jasan dituzte lesioak. Somazak, Grezian egindako entrenamendu batean, eta pibota nafarrak, berriz, Israelen aurka Bolaños de Calatravan jokatutako partidan.
