Bi ligetako geldialdiak aprobetxatuz, super amara Bera Berak eta Zuazo Barakaldok Oñatiko Zubikoa kiroldegian egin dute hitzordua bihar, ostirala, 19,30etan, Euskal Kopako finalean.
super amara Bera Beraren bajek, nazioarteko konpromisoek eta Karsten eta Hernandezen lesioek baldintzatzen dute partida. Beraz, Álvarez eta Begiristain entrenatzaileen esanetara izango dira bihar Anne Erauskin, Shula Gavilan, Nicole Wiggins, Elena Amores eta Elene Fresco. Kruijswijkek minutu batzu izan ditzake – ez zuen jokatu Malagan – eta Zilarrezko taldeko hainbat jokalarik osatuko dute deialdia: Zabala Goñi eta Bautista, atepean; Murgiondo, eskuinean; Urretabizkaia, ezkerrean; Tapia pibotean; Elene Vázquez eta June del Campo lehen lerroan eta Maren del Campo defentsan.
Bestalde, Zuazo Barakaldo, Urrezko Ligako hirugarrena, bere esku dago Guerreras Iberdrola Ligara itzultzeko, lau jardunaldiren faltan. Apirilaren 19an itzuliko da lehiaketara.
Erresuma Batua vs Argentina
Euskal Kopako finalaren aurretik, Zubikoak Erresuma Batua vs Argentina hartuko du 17:30etan, 2026ko Basque Cup delako txapelketan. Oraingoan, Gavilán izango da ikusle, oraingoan jokalari gazte askok osatzen dutelako Argentinarren zerrenda.
