Eskubaloia BeraBerak eta Eserguik akordioa lortu dute datozen bi denboraldietan Esergui taldearen babesle energetikoa izate aldera, Antton Tomasena zuzendari nagusiak eta Tati Garmendiak Nicole Wigginsen aurkezpen ekitaldian gaur AVIA Euroaltzan iragarri dutenez. Horrela, AVIA Esergui markak agertuko dira super amara Bera Beraren kamisetaren erdialdean.
Gasolina-zerbitzuguneetako enpresaburu-talde independente batek sortu zuen Esergui 1981ean. Talde horrek petrolio-merkatu konplexuan espazio propioa lortzea proposatu zuen. 1986an, Eserguik AVIArekin bat egitea erabaki zuen, marka horren pean jarduteko eta haren lidergoan laguntzeko.
ESERGUI petrolio-operadore independente nagusietako bat da maila nazionalean. Nekazaritzarako, automobilgintzarako, industriarako eta berokuntzarako gasolioa banatzeko eta azken kontsumitzaileari hornitzeko sare zabala du. 130 zerbitzugune baino gehiago ditu, 13 autonomia-erkidego baino gehiagotan kokatuak, eta petrolio-biltegien terminal propioa du Bilboko Portuan, Zierbenan.
Bera Bera kluba, berriz, 1983an sortu zen, eta 1998an erreskatatu zuen Bidebietako eskubaloi taldea, behin betiko desegitetik. Kudeaketaren orekaren ondorioz, Bera Bera Eskubaloia erreferentzia da gaur egun emakumeen kirolean, 29 titulu baititu bere bitrinetan.
Antton Tomasena Eserguiko zuzendari nagusiak eta Tati Garmendia BeraBera eskubaloi arduradunak bi proiektuak lotzen dituzten balioak nabarmendu dituzte, hala nola kalitatea, talde lana, errespetua, konpromisoa, hurbiltasuna edo jasangarritasuna.
