Bera Berak kudeatuko du Puio
- Errugbia / Rugby
40 urte bete ditugu klub gisa eta denboraldi honetatik aurrera, Bera Bera Rugby Taldeak kudeatuko du Puioko zelaia, Aieten. Bertan entrenatzen dugu duela hamarkada bat baino gehiagotik. Esleipena irailaren 24an berretsi zen, eta kontratua urriko lehen astean formalizatuko da.
Lidergoari eutsi dio A Sangriñan (25-25)
- Eskubaloia / Balonmano
Gorabeherak izan dituen partidan, super amara Bera Berak eta Mecalia Atletico Guardesek berdinketa sinatu dute (25-25, 12-12 atsedenaldian), bi taldeen merituei erreparatuz. Gipuzkoarrek jarraituko dute sailkapeneko lehen koskan, gol aldeagatik. Bi minutu falta zirenela Karstenek berdinketa lortu du (24-24), Laura Hernandezek aurretik jarri du taldea amaierarako 40 segundo eskasera, baina Cachedaren fly batek puntu bat utzi du A Sangriñan.
super amarako zazpi Espainiarekin, horien artean, Etxeberria
- Eskubaloia / Balonmano
Guardesen aurkako partidaren bezperan zabaldu du Federazioak albistea: Maitane Etxeberria Espainiako selekziora itzuliko da, Ambros Martin hautatzailearen zerrendako berritasunetako bat delako, 2026ko Europako Txapelketarako sailkapenaren lehen bi jardunaldiak jokatze aldera. Zerrenda horretan daude, halaber, super amara Bera Berako taldekide Anne Erauskin, Lyndie Tchaptchet, Carmen Arroyo, Ester Somaza, Elba Alvarez eta Lucía Prades.
“Entrenatzen ari garen bezala lehiatu behar dugu”
- Eskubaloia / Balonmano
Irailaren hasieran bederatzi egunetan lau partida jokatu ostean eta selekzioek sortzen duten ligako lehen etenaldia igarota “beti zalantzak eragiten dituena”, komunikabideen aurrean Imanol Álvarez, super amara Bera Berako entrenatzaileak bere taldeari eskatu dio Mecalia Atlético Guardésen aurka “egun hauetan entrenatzen ari garen bezala lehiatu behar dugu” (ostirala, 20etan, TDP).
