Larunbatekoa partidu polita izan zen Gorka Buenoren mutilak jolasturikoa, aurrean arerio haundia eta indartxua zuten eta baloiak lortu zituzten, atzean berriz eraginkorrak izan ziren momentu askotan.
Sailkapeneko bigarrenaren aurka irabaztea ez da erraza eta larunbatean joko ona jorratuz lortu zen. Tamalez Iņigo Palomaresen lesioa izan genuen bi sahietz hautsi zituen.
Hurrengo larunbatean jolastuko den partidua ikusi nahi baldin baduzue klubean sarrerak erosteko aukera izango da. Partidua Frantziako TOP 14eko partidua da Aviron Bayonnais eta R.C. Toulonen artekoa, beraz munduko rugby mailarik gorenena, bertan egongo diren jokarien artean, Rokocoko, All Black, Philips, Galesekin internazionala, Heymans, Frantziakin internazionala, Tialata, All Black, Chisholm , Australiakin internazionala, Mermoz, Frantziakin internazionala, Wilkinson, Ingalaterrakin internazionala, eta Michalak, Frantziakin Internazionala egongo dira. Anima zaitezte errugbiaren festan parte hartzera!
Kontaktua: rugby@berabera.com
Bi partidu geratzen dira etxean Oviedo eta Eibar, larunbate hontan 17:00tan taldea etxean ikusteko azken aurreko aukera, partidua Oviedoren aurka izango da eta sailkapeneko bigarrena izanik oso arerio gogorra izango da. Aurrean batez ere experientziadunak dira, carlos Souto, jokalaria dute jokalaririk haipagarriena. Mele zein touchetan borroka latza izango da eta garaile irtetzen dena partidua irabazteko aukera haundiak izango ditu.
Nahiz eta gertu izan Gorka Buenoren mutilak ezin izan zituzten puntuak etxera ekarri. Partidu polita jolastu arren momentu jakin batzuetan eginiko akatsak garaipena lortzearen helburua gaitzestu zuen. Aurren ustartze finkoetan hobekuntza nabarmena izan zen eta hegalekoak ere ondo egin zituzten, guzti hori ondo eginarren garaipena Katalunian geratu zen. Hurrengo astean igandean 12:00tan BUCen aurka irabazteko hurrengo aukera
Igandean 12:00tan eta Anoetako miniestadioan jolastuko da Ohorezko B mailako hurrengo ihardunaldiko partidua. Donostiarral azken aurrekoaren aurka jolastuko dute partidua eta beraz irabazi beharreko lehia.
Gorka Buenoren mutilen pixkanaka hobeto jolasten ari dira eta jokalari gazteen partaidetza gero eta haundiagoa da, igandean guzti hori ikusteko aukeran izango gara.
